Oilaviy poliklinikada koronavirusga chalingan bemor hamshira va boshqalarga ham virus yuqtirgan
AOKA shtabida O‘zbekiston Respublikasi Bosh prokuraturasi Ichki ishlar organlarida qonunchilik ijrosi ustidan nazorat boshqarmasi boshlig‘i Sodiqjon Berdialiev ishtirokida o‘tkazilgan brifingdan muhim ma’lumotlar: ❗️Oilaviy poliklinikada mijozga nisbatan loqaydlik bilan munosabat sabab koronavirus aniqlangan bemor bilan muloqotda bo‘lgan 30 nafar fuqaro karantinga olindi. ‼️ Ming afsuski, hozirda u bilan muloqatda bo‘lgan hamshira va boshqalarda ham koronavirus aniqlanmoqda. Tahllilarga ko‘ra, hozirda kasallik yuqtirishi mumkin bo‘lgan xavfli guruh: ➖ bozorlarda va katta savdo do‘konlarida savdo qilayotgan sotuvchilar; ➖ ichki ishlar postlarida tunu-kun ko‘plab fuqarolar bilan muloqatda bo‘lib ishlayotgan xodimlar; ➖ tibbiy xizmat xodimlari, ➖ umumiy tartibda karantinda saqlanib turgan fuqarolarimiz bo‘lib qolmoqda. Unutmaylik, hozirgi kunda hech kimga kasallik yuqmay qolishiga ishonch yo‘q. ✔️ Yagona yo‘l — shifokorlar tavsiyasiga amal qilish, uyda qolish va muloqatlarni keskin cheklashdir. Oldinroq Mirzo Ulug‘bek tumanidagi 8-oilaviy poliklinika karantinga olingani haqida xabar bergandik.