Olimlar ota-onaning yoshi bolalarining yoshiga ham ta'sir o'tkazishini aniqlashdi
Olimlar ota-onaning yoshi tug'ilgan farzandning umr davomiyligiga ta'sir ko'rsatuvchi biologik mexanizmlarni aniqlashdi. Tadqiqot natijalari Functional Ecology jurnalida e'lon qilindi.
Shimoliy Dakota davlat universiteti, shuningdek, Glazgo va Edinburg biologlari 30 yil davomida Shotlandiyaning Mey orolidagi Phalacrocorax aristotelis baqlanlari populyatsiyasini o'rganishdi.
Olimlarning taxmin qilinishicha, xromosomalarning himoya funktsiyasini bajaruvchi chetki uchastkalariga ota-onalarning farzand tug'ilganidagi yoshi ta'sir ko'rsatadi. Qushlar qonining tahlillari shuni ko'rsatdiki, ota-onaning yoshi qancha katta bo'lsa, xromosomaning bu uchastkalariga ham shuncha ziyon keltiriladi.
“Ular DNK kodlarini bo'linish chog'ida himoya qiladi. Ularning yo'qotilishi hujayraning umrini qisqartiradi va qarish bilan bog'liqdir”, - deydi ish mualliflaridan biri Britt Xaydinger.