“O‘zbekkino” milliy agentligi buyurtmasiga asosan suratga olingan “Oyqiz ertagi” kartinasi katta ekran yuzini ko‘rgach, film atrofida turli gap-so‘zlar paydo bo‘ldi. Hatto, ba’zilar hali filmni tomosha qilishga ulgurmay turib, uning g‘oyasi “Fors shahzodasi”(Prins Persii) filmidan o‘g‘irlanganini ham ta’kidladi. “Bekajon” gazetasi mana shu masalaga oydinlik kiritish maqsadida film rejissyori Akbar Bekturdiev bilan bog‘landi. Filmning g‘oyasi o‘g‘irlangani xususida rejissyor shunday deydi: “Men bu fikrga umuman qo‘shilmayman. Voqealar boshqa, qolaversa ushbu filmda milliy an’analarimiz ustun. Fafqat birgina bosh qaharamonning binolar ustida sakrashini o‘xshaydi, deyishmasa, bu faqatgina “Fors shahzodasi” filmida emas, boshqa ko‘plab kartinalarda ham bor. Tomoshabin tanqid qilishdan oldin syujetlarni yaxshilab ajratib olsin, chalkashtirib yubormasin”.