Ozoda Nursaidova Dilfuza Ismoilovaning aybloviga javob qaytardi.
Bundan oldinroq, xonanda Dilfuza Ismoilova bir restoranda raqsga tushayotgan suratlari tarqalgani uchun hamkasbi Ozoda Nursaidovani ayblagan edi.
Dilfuza Ismoilova 14 yil avval Ozoda Nursaidovaning onasi tavalludi munosabati bilan o'tkazilgan tadbirda ishtirok etgani va bu suratlar o'sha tadbirning videosidan «stop kadr» qilib olinganini aytgandi. «Qalampir.uz» sayti bu vaziyat yuzasidan Ozoda Nursaidovaga murojaat qilgan.
«14 yil avval men hech qanday yig'in qilmaganman. Bu haqda gapirayotgan odam yilini aniq bilib gapirishi kerak. Bu xabarni eshitgach, avvaliga Dilfuza Ismoilovani qachondir biror yig'inga taklif qilganimni eslay olmadim. Onamning tug'ilgan kunlari bundan 8 yil avval, ya'ni 2008 yilda Toshkentdagi "Marrakesh" restoranida nishonlangan edi. U marosimda men qatnashmaganman. O'sha davrada olingan video tasvirlar ham, fotosuratlar ham menda saqlanib qolmagan.
Mening birovning suratini tarqatishdan boshqa ishim yo'qmi? Keyin xonanda Dilfuza Ismoilovaning suratlarini ataylab tarqatish shart emas, u hamma to'ylarda shunday raqsga tushadi. Dilfuza Ismoilova mening nomimdan piar sifatida foydalanibdi. Menimcha, bu atayin uyushtirilgan reklama.
Men ham nomimdan foydalanib, o'zini reklama qilayotganlarga qonuniy chora ko'raman», — dedi Ozoda Nursaidova.
Manbaning eslatishicha, o'tgan yilning kuzida Telegram, WhatsApp kabi messenjerlarda xonanda Dilfuza Ismoilovaning o'z o'g'li to'yidagi raqslari va qudalari qarshisidagi «tabrigi» tasvirlangan videolar ham tarqalgan edi.
Dilfuza Ismoilova o'z suratlari tarqalishida Ozoda Nursaidovani aybladi