Pokiston harbiy sudi olti jangarini o‘limga mahkum etdi
Pokiston harbiy sudi 2-aprel, payshanba kuni terrorchilik, qotilliklar va garov puli olish maqsadida odam o‘g‘irlashda ayblab, olti nafar jangarini o‘lim jazosiga mahkum etdi, deya xabar bermoqda “Rossiyskaya gazeta”.
Ayblanuvchilarning yettinchii esa bir umrlik qamoq jazosiga hukm qilindi. Sudlanganlar apellyatsiya berishi mumkin.
Eslatib o‘tamiz, 10-mart kuni Pokiston hukumati mamlakat hududida o‘lim jazosiga qo‘yilgan moratoriyni butunlay olib tashladi.
Moratoriy 2008-yilda joriy qilingan edi. 2014-yil dekabr oyida Peshovardagi maktabga uyushtirilgan terakt oqibatida 150 kishi, jumladan 134 bola halok bo‘lgach Pokiston prezidenti Navoz Sharif moratoriyni faqat terrorchilarga nisbatan olib tashlagan edi.
Shundan keyin birin-ketin Pokistonda qo‘lga olingan terrorchilarni qatl etish boshlandi.
Kara Para Ask - Soundtreck
Pokiston harbiy sudi olti jangarini o‘limga mahkum etdi 
