“Pole Chudes” televizion o‘yini o‘zining 25 yillik yubileyininishonladi
Rossiya televideniesining Birinchi kanalida efirga uzatiladigan mashhur “Pole Chudes” (“Mo‘’jizalar maydoni”) televizion o‘yini o‘zining chorak asrlik – 25 yillik yubileyini nishonladi.
Bu davr ichida ko‘rsatuv tomoshabinlarning qiziqishini muqarrar ushlab turibdi. Kapital-shouda chorak asr ichida deyarli hech narsa o‘zgarmadi: o‘sha baraban, o‘sha qoidalar, o‘sha lotoreya. Teletanqidchilarning fikricha, “Pole chudes” ko‘rsatuvi haqiqatda o‘ziga xos hodisadir.
Ko‘rsatuv boshlovchisi Leonid Yakubovich ko‘rsatuvning uzoq umr ko‘rishi siri nimada ekanligini ayta olmasligini tan oldi. “Bu savolga javob berish qiyin, biroq shuni ayta olamanki, sobiq ittifoq paytidagi ko‘rsatuvlardan faqatgina biz va KVNgina qoldi”, deb aytmoqda “Lyonya amaki”.
Yakubovichning aytishicha, “Pole chudes” uning hayotining kattagina qismini tashkil qiladi. “Men hech qachon o‘zim olib boradigan ko‘rsatuvni televidenie orqali tomosha qilmagan, chunki ko‘pchilik odamlar kabi men ham o‘zimdan ko‘nglim to‘lmaydi. Menga o‘zimning ovozim ohangi, xatti-harakatlarim yoqmaydi va eng asosiysi men takrorlanishdan juda qo‘rqaman, chunki dasturning ssenariysi yo‘q, hammasi yo‘l-yo‘lakay ijod qilinib ketaveriladi”, deb aytdi Yakubovich TASS agentligi muxbirining savollariga javoban.
“Yagona narsa shuki, ko‘rsatuv boshlanishiga 7 daqiqa qolganda men ko‘rsatuv ishtirokchilaridan nima haqida gapirmasligim, qanday mavzularga to‘xtalmasligim haqida so‘rab olaman. Qolgan barchasi esa 2,5 soatlik kulgu, hazil-mutoyiba, xursandchilik va oqibatda bularning barchasi 50 daqiqalik dastur ko‘rinishiga olib kelinadi”, deb qo‘shimcha qilib o‘tdi “Barabanni aylantiring” va “Shunday harf bor” deb aytishdan charchamaydigan Yakubovich.