"Qish sonatasi" xotiralarini yangi o‘zbek filmi jonlantiradi!?
Dj Yamin keng qirrali ijodkor ekanligini isbot etishga kirishgan. U o‘zi kuy bastalaydi, kuylaydi, aktyorlik qobiliyati ham bor. “Shoshilaman”ni tinglaganlar, uning kuylash talantiga baho berishga ulgurishdi. Dj Yamin kinoda qanchalar mahoratli aktyor bo‘la oladi? Bu hozircha mavhum. Biroq, u bosh rol talqin etayotgan yangi film haqida bayon etamiz.
Ishchi nomi “Koreyadagi muhabbat” nomli yangi film premerasini intiq kutish uchun sabablar talay! Ularning eng asosiysi film lavhalarini “Qish sonatasi” xotiralari boyitadi. Bu koreys serialini hayajonsiz ko‘rmagan o‘zbek tomoshabini bormikan? Jun Sangga oshiq bo‘lmagan qizlar-chi?! Aynan shu sevimli serial suratga olingan ko‘rkam joylarda yangi o‘zbek filmining bir qismi ham suratga olinmoqda. Dj Yamin ham Jun Sang kabi romantik bo‘la olarmikan? Bu savolga javob premeradan keyin topiladi. Ayni paytda Janubiy Koreyadagi o‘zbek kinoijodkorlariga omad tilab qolamiz!