O’zbek estradasining ajoyib xonandasi Ulug’bek Rahmatullaev ijod qilishda sira to’xtamayapti. Mana 2013 yilda ham Ulug’bek o’z muxlislarini xushnud etish maqsadida yangi qo’shiqlar kuylamoqda va yaxshilariga klip ham suratga oldirmoqda. Jumladan, bugun biz sizlarga Ulug’bek Rahmatullaevning yangi klipidan fotosuratlar taqdim etamiz.

O’tgan yili o’z yakkaxon konsert dasturida jarang sochgan «Chaqaloqlar» taronasiga klip suratga tushirildi. Bu klipni aslida film ijodkorlari kichik bir filmga qiyoslashmoqda. Klip ijodkorlari bu klip orqali farzand ne’matini kutayotgan insonlarga dalda bo’lishni ham niyat qilganlar. Qo’shiq she’ri Muhammad Umar ijodidan. Bastakor esa Iqbol Muhammadjonov. Musiqasi esa Nasrulloh Mamatxonovga tegishli. Klip g’oyasi Jahongir Ahmedov, Ulug’bek Rahmatullaev hamda Yodgor Nosirovlarga tegishli. Klip rejissori Yodgor Nosirov. Aktyorlar: Umid Iskandarov, Shahlo Temirova. Tez kunda klipni ham taqdim etamiz. Darvoqe, klipda namoyon bo’lgan voqealar hayotdan olingan ekan.