Rejissyor Sa’dulla Abdullaev Amir Temur haqida film olmoqchi
Rejissyor sifatidagi faoliyatini 1996 yilda Rustam G‘oyipovning Amir Temur haqidagi “Qalbim to‘rida” qo‘shig‘iga klip suratga olishdan boshlagan Sa’dulla Abdullaev sohibqironga bag‘ishlangan film olish niyatidaligini bildirgan. Bu haqda u “Sabo” gazetasiga ma’lum qilgan.
“Amir Temur ulug‘ sarkarda, yetti yoshida Qur’onni yodlagan olim odam. Yetmish yoshida ham jang maydoniga birinchi kirib borgan. U mag‘lub etilgan jang bo‘lmagan. Uni dunyoga madh etib, faxrlansak arziydi. Filmni Gollivud darajasida ishlashga harakat qilaman” deya fikr bildirgan rejissyor.
Ma’lumot o‘rnida: Sa’dulla Abdullaev 1999 yildan buyon “ Sen aziz va muqaddassan, ayol” dasturini tashkillashtirib keladi. U 2014 yilgi “E’tirof” milliy mukofotini topshirish marosimi, shu yil bo‘lib o‘tgan Ozodbek Nazarbekov konsertining rejissyori hisoblanadi.
Amir Temur bu buyuk sarkarda, ma'naviyati yuksak shaxs, bunyodkor inson. U haqida shunday film olish kerakki, u film yoki serialni ko'rgan odam koreys tarixiy seriallari haqida unutib yuborsin! Koreyslarning ajdodi Jumongning butun hayotini bilamiz-u nega endi o'zimizning bobokalonimiz bo'lgan sohibqiron haqida hech narsa bilmaymiz? Bu kinini ilgariroq ishlash kerak edi! Hozir ham kech emas, kinoni ishlashda shunchaki emas balki o'ta darajada professional yondashuv kerak. Kerak bo'lsa aktyorlarni xalq orasidan tanlab olish kerak chunki xalqimiz is'tedodga boy!
Rejissyor Sa’dulla Abdullaev Amir Temur haqida film olmoqchi 
