Rossiyada yuz bergan yirik YTHda o`zbekistonlik 15 yoshli qiz halok bo`ldi
Rossiyaning Xanti-Mansiysk okrugida yuz bergan YTHda O`zbekiston fuqarosi jabrlandi.
Yo`l-transport hodisasi “Tyumen-Xanti-Mansiysk” trassasining 926 km.da 4 dekabr kuni Moskva vaqti bilan 14.40 da sodir bo`ldi. Bu haqda Favqulodda vaziyatlar vazirligi matbuot xizmati xabar beradi.
YTH reys avtobusi, ikkita engil hamda ikkita yuk mashinalarining to`qnashuvi oqibatida yuz berdi. Avtobus salonida 34 nafar yo`lovchi bo`lgan.
YTH oqibatida 12 kishi halok bo`ldi, 22 kishi jabrlandi. Halok bo`lganlar orasida 2001 yilda tug`ilgan O`zbekiston fuqarosi Zulfiya Sarvar qizi ham bor. Uning singlisi 2001 yilda tug`ilgan Ergasheva Gavxar Sarvar qizi og`ir ahvolda Xanti-Mansiskdagi neyroxirurgiya klinikasiga etkazildi.
O`zbekiston Respublikasi FVV ma`lumotlariga ko`ra, vazirlik Rossiya tomoni bilan Zulfiyaning jasadini 7 dekabr kuni O`zbekistonga etkazish masalasini kelishgan. Qizning jasadi uning otasi Sarsar Ergashev tomonidan olib kelinmoqda.
O`zbekiston Respublikasi FVV tegishli idora va vazirliklar bilan halok bo`lgan fuqaroning oilasi va yaqinlariga tashkiliy masalalarda amaliy ko`mak beryapti.