Rustam Sa’diev "Baron"ning davomini suratga olish uchun o‘z Shartini qo‘ydi
Yaqindagina katta ekranlarga chiqib, o‘zbek kinosida bir qator rekord natijalarni qayd etgan “Baron” filmi ko‘p o‘tmay “qaroqchilar” tomonidan qo‘lma-qo‘l qilib yuborildi. Kimdir filmni tanishining kompyuteridan “fleshka”siga ko‘chirib olayotgan bo‘lsa, kimdir ochiqchasiga “qaroqchi” DVD disklarini sotayotgan olg‘irlardan xarid qilib tomosha qilmoqda.
Mazkur masalaga oydinlik kiritish maqsadida "Darakchi" nashri film rejissyori Rustam Sa’diev bilan bog‘landi.
Rustam Sa’diev: — Tegishli mutasaddi idoralar vakillari shu masalada yig‘ilish o‘tkazib, ro‘yxat asosida barcha bozorlarda maxsus reydlarni o‘tkazish belgilab olindi. Hozirda ayrim bozorlarda o‘tirib, filmni ko‘chirib sotayotganldar aniqlangan. Agarda tomoshabinlar “Baron”ning davomi suratga olinishini istashsa, film ijodkorlariga hurmat ko‘rsatib, uni kino zallarida tomosha qilishlari kerak. Bunga muxlislarning kino ijodkorlarga bo‘lgan hurmat va minnatdorchiligi, deb qaraladi.
Rejissyorning ta’kidlashicha, kino ham san’at, ham sanoat. Filmga sarflangan mablag‘larning qanchadir qismi qaytsa, ular kelgusida boshqa sifatli kinolarni suratga olishga sarflanadi.
Merlin-Soundtreck
Rustam Sa’diev "Baron"ning davomini suratga olish uchun o‘z Shartini qo‘ydi 
tögri
