Yodingizda bo’lsa, Munisa Rizaeva Jahongir Poziljonovning «Salom, Natasha» nomli yangi kinokartinasida suratga tushayotganligi haqida sizlarga ma’lumot yetkazgan edik. Mana bugungi kunga kelib, mazkur filmning dublyaj ishlari ham bo’lib o’tmoqda. Demak, tez orada film katta ekran yuzini ham ko’radi!

Munisa Rizaevaning «Salom, Natasha» filmidagi obrazi avvalgi filmlaridagi obrazlaridan tubdan farq qiladi. Bu yerda Munisani Natasha ismli rus qizi ko’rinishida ko’rishingiz mumkin. Munisa Rizaeva o’z roli uchun o’zi ovoz berishga odatlangan va bu odatdan chetlashmagan holda, bu safar ham dublyaj jarayoni uchun vaqt topa oldi. Darvoqe, dublyaj rejissori Matyoqub Orziev.