Жанбуий Кореянинг Samsung компанияси Galaxy
туркумига кирувчи янги смартфон – Galaxy Grand ни намоийш этди. Ушбу янги
смартфон Android 4.1.2 Jelly Bean операцион тизимида ишлайди. Телефон камҳарж
лекин катта экранли аппаратни орзу қилувчи харидорлар учун мўлжалланган. Янги
смартфон нинг бир ва икки SIM-картали вариантлари таклиф қилинади. Энг сўнгги
талаблар асосида тайёрланган ушбу телефон моделларига 5 дюймли сенсорли
дисплей (WVGA) ўрнатилган. Аппаратнинг ўлчамлари: 143,5x76,9x9,6 мм, оғирлиги -
162 г.
Смартфонда икки ядерли процессор (1,2 ГГц), 1
Гбайт оператив хотира ва 8 Гбайт ўз хотирасига эга. Қолаверса microSD картаси
эвазига уни 64 Гбайтгача етказиш мумкин. Унга 720р сифатида ёзиб олиш
имкониятига эга 2 мегапикселли олд камера ва 8 мегапикселли асосий видеокамера
(1080p форматда ёзади) ўрнатилган. Смартфонда Wi-Fi ва Bluetooth 4.0
моделларидан фойдаланилади. 3G га мослашган. Аккумуляторининг ҳажми 2100 мАч га
тенг.
Samsung Galaxy Grand аппаратида турли интеллектуал технологиялар жорий
қилинган. Мисол учун Direct Call функцияси телефонни қулоққа тутган
заҳоти ўзи автоматик равишда рақамни теради. Smart Alert эса телефон
эгаси уни қўлига олиши билан, авоб берилмаган телефон қўнғироқлари ва
смс-хабарларини бирма-бир кўрсатишни бошлайди. Ёки Popup Video функциясини
олайлик, унинг ёрдамида видеони экраннинг бир четида томоша қила туриб,
телефонда бошқа ишларни бажаришда давом этиш мумкин. S Voice технологияси
телефонни овозли бошқаришни таъминлайди. AllShare Play бошқа Samsung
аппарати билан тезда маълумот алмашиш имкониятини беради.
Ҳозирча, унинг нархи неча пул этиб белгиланиши номаълум.
Лекин, унинг Galaxy S III ёки Galaxy Note II дан сезиларли равишда арзон бўлиши
айтилмоқда.
Samsung 5 дюймли арзон смартфонни намойиш этди 
