Rossiya va O‘zbekiston yetakchilarining uchrashuvi yaqin ikki-uch oy ichida bo‘lib o‘tadi.
Dmitriy Peskov, Rossiya prezidentining matbuot kotibi
“Izvestiya” gazetasining O‘zbekiston rahbariyatidagi yuqori martabali manbasiga ko‘ra, Moskvadagi muzokaralar energetika, qishloq xo‘jaligi mahsulotlarini yetkazib berish, harbiy-texnik hamkorlik va migratsiya masalalarini qamrab oladi.
“O‘zbek tomoni Rossiya neftining boj to‘lovlarisiz yetkazib berilishi masalasini yana ko‘tarishi kutilmoqda. O‘zbekistonning bu boradagi murojaati Rossiya hukumati tomonidan rad etilgandi. O‘zbekistonlik muhojirlar haqidagi masala ham muhokama etiladi”, — deya ma’lum qilgan manba.
Nashr muzokaralar muvaffaqiyatli kechgan taqdirda Rossiya qurol-yarog‘ bozorida yangi yirik mijozga ega bo‘lishini bildirmoqda. 2016-yil noyabrida Rossiya va O‘zbekiston mudofaa vazirlari Sergey Shoygu hamda Qobul Berdiyev harbiy-texnik hamkorlikni rivojlantirish to‘g‘risidagi shartnomani imzolagandi.
Shavkat Mirziyoyev bahorda Rossiyaga tashrif buyurishi rejalashtirilmoqda 
