Bir necha yillar oldin o'zining rep yo'nalishidagi qo'shiqlari bilan tanilgan Shoxrux nima uchun o'zbek estradasida ko'rinmay qolgani sababi haqidagi taxminlarga munosabat bildirib o'tdi.
U instagramdagi sahifasi orqali quyidagilarni ma'lum qilib o'tgan:
“Men haqimda turli xil mish-mishlar yuribdi, eshitishimcha, men estradaga chiqishim uchun litsenziyamdan mahrum bo'lgan ekanman. Litsenziyamni har 3 oyda yangilab turaman. Ko'p yillardan beri estradaga chiqmasligimning sababi, erkak kishiga 40 hunar kam deyilganidek, o'zimga yarasha boshqa ishlarim ham bor. Shuning uchun, musiqa oxirgi darajali bo'lib qolgan. Musiqa men uchun hobbi ekanligini birinchi marotaba estrada sahnasiga chiqqanimda ham aytganman. Bo'sh vaqtlarimda musiqaga vaqt ajratib turaman, bu narsani meni kuzatayotgan muxlislar juda yaxshi bilishadi. Har-xil yolg'on gap tarqatadigan ba'zi bir ommaviy axborot vositalariga maslahatim, nimadir gapirishdan oldin menga o'xshab dalillar keltirishsin va gapiga javob berishsin. "O'zbeknavo" estrada birlashmasi hech qachon, hech kimni o'z-o'zidan litsenziyadan mahrum qilmaydi va shunday qilingan holatda ham ular faqatgina qaysidir estrada vakili tomonidan qilingan xatoliklari bo'lsa, o'sha ishni qonun doirasida ko'rib chiqib, shunga yarasha qaror qabul qilishadi!”
Shoxrux, shuningdek, har 3 oyda yangilab turadigan litsenziyasining suratlarini ham havola etgan.
Qayd etish kerakki, Shoxrux so'nggi vaqtlarda xonandalar Manzura va Shahzoda bilan duet taronalar kuylab, yana ko'rinish bermoqda.