Xushovoz xonanda Sirojiddindan muxlislarga bahoriy tuhfa. Tez kunda Sirojiddinning yangi "Sabohat" qo'shig'ini tinglashingiz mumkin. Mazkur qo'shiqqa hozirgi kunda klip ham suratga tushirilmoqda. Demak, yaqin orada xonandaning "Sabohat"iga baho beramiz! "Sabohat" taronasining mualliflari bilan tanishamiz: qo'shiq matni Ahad Qayum ijodidan, musiqa bastakori esa Rustam To'lashev hisoblanadi. Yaqin kunlarda mana shu ajoyib qo'shiq va uning klipiga munosib baho berish vazifasi, siz aziz muxlislar hukmingizga havola qilinadi. Sirojiddin bahor faslida yana bir qator ajoyib tuhfalar bilan muxlislarini xushnud etish niyatida. Biroq, bu yangiliklar haqida hozircha ma'lum qilmadi.