“Sport-TV” futbol bo‘yicha Italiya va Fransiya chempionatlari translyatsiyasi huquqini sotib oldi
O‘zMTRKning “Sport” telekanali futbol bo‘yicha Italiya A seriyasi va Fransiya Birinchi divizioni o‘yinlarini translyatsiya qilishni boshlaydi. “Championat.asia” nashri xabariga ko‘ra, telekanal mazkur chempionatlar o‘yinlarini translyatsiya qilish huquqini sotib olgan.
Qayd etish kerak, “Sport” telekanali Germaniya Bundesligasi o‘yinlarini ham namoyish etadi. Biroq bu qonuniy yo‘l bilan xarid qilinmagan.
UzReport telekanali esa Angliya Premyer-ligasi, Ispaniya La ligasi, Yevropa Chempionlar ligasi va Yevropa ligasi turnirlari translyatsiyasi huquqini qo‘lga kiritgan. Shu boisdan ham “Sport” mazkur ligalarni namoyish qilish huquqidan ayrilib, ularning videolavhalarini-da birorta dasturida namoyish qila olmayotgandi.