“Suv Parilari uchun uy” filmi markaziy osiyoning eng yaxshi filmi deb tan olindi
Qirg‘izistonning Bishkek shahrida o‘tkazilayotgan “Ak Ilbirs” kinofestivalida Yolqin To‘ychievning “Suv parilari uchun uy” filmi ham ishtirok etayotgani haqida xabar bergan edik.
Bugun aktrisa Shahzoda Matchonova o‘zining ijtimoiy tarmoqlardagi sahifalari orqali “Suv parilari uchun uy” filmi Markaziy Osiyoning eng yaxshi filmi bo‘lganini ma’lum qildi.
“ ‘Suv parilari uchun uy’ filmi Markaziy Osiyoning eng yaxshi filmi bo‘ldi. Biz ‘Ak Ilbirs’ mukofotini qo‘lga kiritdik. Bizni qo‘llab-quvvatlaganlarga rahmat! Bu butun ijodiy jamoaning yutug‘i”,—deb yozdi Shahzoda Matchonova.
Fursatdan foydalanib, biz ham tahririyatimiz nomidan film ijodkorlarini qo‘lga kiritilgan nufuzli mukofot bilan tabriklaymiz!