Tamila Instagram’dagi sahifasini o‘chirdi va Qozog‘istonga ko‘chib o‘tdi
Instagram’da Tamilani kuzatib borayotgan 114 mingdan ortiq foydalanuvchilarning aksariyati xonandaga haqoratli so‘zlar bilan murojaat qilib, uni hayosizlikda aybladi. Bu haqda “Qalampir” xabar bermoqda.
Nashrning yozishicha, Instagram’dagi sahifasi (@tamilaofficial)dagi barcha suratlarni o‘chirib, sahifa manzilini @kassauz deb o‘zgartirib qo‘ygan.
“Ma’lumotlarga qaraganda, Tamila ayni damda Toshkentdan Qozog‘istonga ko‘chib o‘tgan”, — deyiladi nashr xabarida.
Bir muddat avval Tamila taxallusi bilan ijod qiluvchi Esmeralda Rahmatovaning axloqsiz harakatlari aks etgan videoyozuv messenjerlarda tarqalib ketgandi. Shundan so‘ng xonandaning prodyuseri Najob Agzamov u bilan shartnomani bekor qilgani ma’lum bo‘lgandi.
“O‘zbeknavo” estrada birlashmasi litsenziya bo‘limi boshlig‘i Odil Abduqahhorov bu mavzu yuzasidan choralar ko‘rilishini ma’lum qilgan.
Tamila Instagram’dagi sahifasini o‘chirdi va Qozog‘istonga ko‘chib o‘tdi 
