Taniqli bokschi Sardor Rahimxonning “Do‘st” qo‘shig‘i ostida ringga chiqdi
Kuni kecha Sardor Rahimxon ajoyib yangilikni muxlislari bilan bo‘lishdi. Xonandaning so‘zlariga qaraganda, Dog‘istonlik taniqli bokschi Rasul Albasxanov Sardor Rahimxonning “Drug” ya’ni “Do‘st” qo‘shig‘i ostida ringga chiqqan. Bu har bir ijodkor uchun quvonarli holat. Ayniqsa, qilgan mehnati nafaqat o‘z yurtida, balki qo‘shni mamlakatlarda ham natijasini bersa. So‘zimizning isboti sifatida quyidagi videolavhani hukmingizga havola etamiz.
Sardor Rahimxonning “Do‘st” qo‘shig‘i xalqimiz orasida sevib tinglanadi. Bu qo‘shiqni rusiyzabon muxlislari uchun ham kuylagani bejis emasligini bo‘lib o‘tgan bu voqea orqali yana bir bor isbotini topdi. Xonandaga omad tilab, mana shunday yuksak cho‘qqilarni, muxlislari qalbini zabt etib boraverishini tilab qolamiz.