|
|
 Танишинг, Samsung Galaxy S 4!
|
| 
Жанубий Кореянинг Samsung компанияси 14 март куни Нью-Йоркда янги Galaxy S4 смартфонини тақдим этди. Янги телефоннинг ташқи кўриниши Galaxy S III га ўхшаб кетади. Корпусининг пастки қисмида, дисплей тагида бош экранга ўтиш учун тугмача бор.Смартфоннинг ён томонлари пластикдан ишланган бўлиб, усти металл билан қопланган. Орқа қопқоғи эса Galaxy S3 билан деярли бир хил – жуда юпқа пластикдан ишланган. Телефон ҳажми – 136.6 x 69.8 x 7.9 мм, оғирлиги эса 130 гр.ни ташкил этади.Galaxy S4 саккиз ядроли Exynos 5410 процессори ва 1,9 ГГц максимал частота билан жиҳозланган. Шунингдек, 1,6 ГГц процессор ўрнатилган аппаратларни ҳам ишлаб чиқариш кўзда тутилган.  Процессор Big.Little технологияси асосида тайёрланган бўлиб, турли архитектурага эга бўлган иккита тўрт ядроли процессор ўзаро бирлаштирилган. Улардан бири юқори ишлаб чиқариш режимида, иккинчиси оддий вазифаларни бажариш учун мўлжалланган. Аппарат 2 Гб оператив хотирага эга ва уни шунингдек microSD ёрдамида 16 Гб, 32 Гб ёки 64 Гб қўшимча хотира билан таъминлаш мумкин. Galaxy S IV дисплейи диагонали 5 дюйм, ҳажми 1920x1080 пиксел, экрани Super AMOLED технологияси асосида яратилган ва Full HD (пиксел зичлиги- 441 ppi) форматини қабул қилади.Смартфон иккита камера – 13 мегапикселли асосий ва 2 мегапикселли олд камералар билан жиҳозланган. Galaxy S4 Android 4.2.2. бошқаруви орқали ишлайди ва унга компаниянинг бир қатор янгиликлари жорий қилинган. Мисол учун, телефон Smart Scroll тизимига эга бўлиб, инсон кўз нигоҳи орқали автоматик равишда саҳифаларни алмаштиради. Smart Pause функцияси ёрдамида эса смартфон эгаси экранда намойиш этилаётган видеони тўхтатиши ёки ўша вақтда экран чироғини камайтириши мумкин.Аппаратга STranslator таржима дастури ва SHealth иловаси юкланган. Илова ёрдамида масалан, пулсингизни ўлчашингиз мумкин бўлади. Бундан ташқари, Galaxy S4 GPS/GLONASS, NFC, инфрақизил порт ва ҳарорат, намлик ва атмосфера босимини ўлчаш қурилмаларига ҳам эга. Телефон 3G ва 4G стандартларини қабул қилади.Galaxy S4 апрел ойидан бошлаб, дунёнинг 155 давлатида ва 327 та мобил операторлари орқали сотувга чиқарилади. Аввалига қора ва оқ рангдаги телефонлар, кейинчалик бошқа ранглардагилари ҳам етказиб берилади. Смартфоннинг нархи ҳозирча номаълум.
Manba:darakchi.uz
|
|
|
|
Категория: TEXNOLOGIYA |
| Просмотров: 6160
| Рейтинг: 0| Рейтинг: |
Mavzuga Oid Boshqa Yangiliklar:
|
|
| Профил |
Время: 11:36
Добро Пожаловать, Mexmon
|
|
| Самое Популярное |
| Самое Популярное
|
|
|
