Test Natijalari ham e’lon qilindi: Eng yuqori ball hozircha bo‘lajak huquqshunoslarda
O‘zbekiston respublikasi Vazirlar mahkamasi huzuridagi Davlat test markazi saytida e’lon qilingan ma’lumotga qaraganda respublika oliy ta’lim muassasalariga kirish test sinovlarining birinchi kuni – 1 avgust natijalari quyidagicha:
Test sinovlari 23 ta oliy ta’lim muassasalarining 154 ta ta’lim yo‘nalishi bo‘yicha o‘tkazildi.
Test sinovlarida 58 985 nafar abiturient ishtirok etdi.
Davlat granti bo‘yicha eng yuqori o‘tish bali: 223,5.
To‘lov-kontrakt bo‘yicha eng yuqori o‘tish bali: 176,7 ni tashkil qildi.
O‘rtacha o‘tish bali:
davlat granti – 142,9;
to‘lov-kontrakt – 123,7 ni tashkil qildi.
Oliy ta’lim muassasalari bo‘yicha eng yuqori o‘tish bali:
davlat granti bo‘yicha – 223,5 ball, Toshkent davlat yuridik universitetining “Yurisprudensiya” (rus) ta’lim yo‘nalishida qayd etildi.
to‘lov-kontrakt bo‘yicha – 176,7 ball, Toshkent davlat yuridik universitetining “Yurisprudensiya” (o‘zbek) ta’lim yo‘nalishida qayd etildi.
Test sinovlari natijalarini Davlat test markazining rasmiy veb sahifasidan olish mumkin.