2014 йилнинг 3 – 8 июнь кунлари Европа Иттифоқининг Ўзбекистондаги делегацияси Тошкент, Самарқанд ва Бухорода II Европа кинофестивалини ўтказади. Бу ҳақда 12news.uz хабар берди.

Кинофестивалда Евроиттифоқнинг 11 давлатига тегишли 13 та фильм намойиш этилади. Улар орасидан Словениянинг ажойиб экшн-комедияси, испаниялик киноижодкорларнинг оқ-қора овозсиз арт-хауси, Латвиянинг қисқа метражли мултфильмлари ҳамда муҳаббат қиссаларидан сўзловчи Польша фильмлари ўрин олган. Барча намойишларга кириш бепул.