Toshkentdagi “Mega Planet”da yong‘in chiqdi. Super market yopib qo‘yildi
Bugun, 28 iyun kuni Toshkentning Yunusobod tumanida joylashgan “Mega Planet” savdo majmuasida yong‘in kelib chiqdi. Yong‘in haqidagi xabarlar internetdagi ijtimoiy tarmoqlarda, xususan, Facebook’dagi “Voditeli Tashkenta” guruhida tarqaldi. Guruh a’zolar xabarlarga yong‘in bilan bog‘liq suratlarni ilova qilishdi. Bundan tashqari, You Tube’ga ham binoning tashqarisidan olingan video joylashtirildi.
Videoda savdo majmuasi tepasi qora tutun bilan burkanaganini aks etgan. Yong‘in “Mega Planet”ning to‘rtinchi qavatidagi Fast Food’da kelib chiqqani aytilmoqda. Bunga elektr simlarining bir-biriga qisqa tutashuvi sabab bo‘lgan bo‘lishi mumkin.
Jabrlanganlar va jarohat olganlar haqida aniq ma’lumotlar berilmagan. Ma’lumotlarga qaraganda, supermarket yopib qo‘yilgan. Oynavand eshiklarga esa “Tozalik kuni” deb yozib qo‘yilgan.
“Qalampir.uz” muxbiri “Mega Planet” majmuasi ma’muriyati bilan bog‘landi. Gashakni ko‘targan xodim, yong‘in chiqqani haqidagi xabarlar rost ekanini, do‘kon ikki soatdan so‘ng yana ochilishini ma’lum qildi.
Ma’lumot o‘rnida, Yunusobodning markazida joylashgan mazkur supermarket 2011 yilning 11 dekabrida faoliyatini boshlagan. Uning birinchi qavatida oziq-ovqat, maishiy texnika va zargalik buyumlari, ikkinchi qavatda ayollar va erkaklar liboslari, uchinchi qavatdan kinoteatr va bolalar o‘yingohlari, to‘rtinchi qavatda esa kafe va restoranlar joylashgan.
Titanik-soundtreck
Toshkentdagi “Mega Planet”da yong‘in chiqdi. Super market yopib qo‘yildi 
