Меню
Поиск
Фотоалбом
Главная » Файлы » DUNYO va JAXON XABARLARI

Трамп охирги марта миллатга мурожаат қилди
АҚШнинг амалдаги президенти Дональд Трамп 20 январда ўз лавозимини тарк этишдан олдин охирги марта миллатга мурожаат қилди. Трамп ўз нутқида бирорта янги уруш бошламаганидан фахрланишини ҳамда Хитойга “ҳар қачонгидан” кучлироқ қарши турганини айтган.

АҚШ президенти ўз мурожаатида ҳокимиятни янги маъмуриятга топширишга тайёрланаётганини ва янги жамоа “Американи хавфсиз ва фаровон сақлаб қолиши учун” дуода бўлишини айтган.  

Трамп АҚШда Вашингтондаги Капитолий биносига 6 январда қилинган ҳужумга ўхшаш сиёсий зўравонликни оқлаб бўлмаслигини айтган. Унинг таъкидлашича, у бошлаган сиёсий ҳаракат эндигина “бошланмоқда”. 

“Ҳозирда мен чоршанба куни пешинда ҳокимиятни янги маъмуриятга топширишга тайёрланаётган вақтимда шуни билишингизни истардимки, биз бошлаган ҳаракат бу фақат бошланишидир”, деб айтган Трамп. 

Трамп 4 йиллик президентлигига якун ясар экан, ўзини АҚШнинг охирги ўн йиллар давомида янги уруш бошламаган биринчи президенти деб атаган.

“Мен охирги ўн йилликда янги уруш бошламаган биринчи президент бўлганимдан фахрланаман”, деб айтган президент.

У, шунингдек, АҚШнинг дунёдаги етакчилигини тиклай олганини қўшимча қилган. 

“Мен оғир жангларга киришдим ва мураккаб танловлар қилдим, чунки мени шунинг учун сайлашган. Бизнинг кун тартибимизда ўнг ёки чап, республикачи ёки демократ бўлиш эмас, балки бутун мамлакат учун яхши бўлиши масаласи турди. Биз Америкага ички кучни ва хорижда етакчиликни қайтара олдик. Дунё яна бизни ҳурмат қилмоқда. Илтимос, бу ҳурматни йўқотманг”, деб таъкидлаб ўтган Оқ уй раҳбари.

Трамп ўз нутқининг катта қисмини ўзи эришган ютуқларни санаб ўтишга ажратган. Оқ уй раҳбари бу ютуқлар орасида коронавирусга қарши вакцина ишлаб чиқилиши, пандемия шароитида аҳоли ва иқтисодиётнинг қўллаб-қувватланиши, солиқлар ва ишсизлик даражасининг пасайтирилишини таъкидлаб ўтган.

Президент ташқи сиёсатдаги ютуқлари орасида Мексика ва Лотин Америкасининг бир қатор давлатлари билан тузилган савдо битимлари, “АҚШ манфаатларига хизмат қилмаган” халқаро келишувлардан чиқилиши, НАТОга аъзо давлатларнинг алянсга тўлайдиган бадал миқдорини оширишга эришилгани, АҚШ коинот кучлари таъсис этилганини таъкидлаб ўтган.

АҚШнинг янги президенти Жо Байденнинг инаугурацияси 20 январда Тошкент вақти билан соат 22да бўлиб ўтади. Трамп маросимда иштирок этмай, инаугурациядан бир неча соат олдин президент мақомида Оқ уйни тарк этмоқчи.

Инаугурация вақтида тартибсизликлар юз бериши эҳтимоли сабабли пойтахтда тартибни сақлашга катта куч жалб қилинган.  


Manba:kun.uz
Категория: DUNYO va JAXON XABARLARI
Просмотров: 4090 | Рейтинг: 0| Рейтинг:
Mavzuga Oid Boshqa Yangiliklar:
Реклама

Всего комментариев: 0
Элатма: Сайт ходимлари ўзларига ёқмаган изоҳларни фаоллаштирмаслик ва огоҳлантирмасдан ўчириш ҳуқуқига эга. Изоҳлар ҳақида тўлиқ маълумот мана бу манзилда (босинг)
Имя *:
Email:
Код *:

Профил

Время: 01:10
Добро Пожаловать, Mexmon

 
Логин:
Пароль:
Новинка у нас
Самое Популярное
Самое Популярное