Turkiyaning sharqidagi Tunjeli viloyati joylashgan Xozat shahrida Kurdiston ishchi partiyasi (KIP) terroristik tashkiloti a’zolari avtomobilni portlatib yubordi va natijada bir kishi halok bo‘ldi va ikki kishi jarohatlandi. Bu haqda “Trend” xabar bermoqda.
Qo‘lbola usulda tayyorlangan portlovchi qurilma masofadan harakatga keltirilgan, deyiladi xabarda.
Nashrning yozishicha, polisiya terroristlarni zararsizlantirish operatsiyasini boshlagan. Tunjeli viloyatiga qo‘shimcha kuchlar va harbiy vertolyotlar yuborilgan.
Ma’lumot uchun Turkiya va KIP o‘rtasidagi mojarolar 33 yildan buyon davom etmoqda. KIP mustaqil Kurdiston davlatini qurishni talab qilib kelmoqda. Ushbu mojaro tufayli 40 mingdan ortiq odam hayotdan ko‘z yumgan.
KIP Birlashgan Millatlar Tashkiloti va Yevropa Ittifoqi tomonidan terroristik tashkilot sifatida tan olingan.
Turkiyada terakt sodir etildi 
