Umarjon Shamsiyev
Men Shamsiyev Umarjon Axmadjonovich 1985-yil 24-fevralda
xizmatchi oilasida dunyoga keldim. 1992-yil Toshkent shahridagi Vohid Zohidov
nomidagi 146-maktabga 1-sinfga qabul qilindim. 1996-yilda shu maktabni
4-sinfini bitirib, shu yili Gler nomidagi musiqa maktabiga kirib 5-sinfdan shu
maktabda o'qishni davom ettirdim. Rubob - prima bo'yicha taxsil oldim. Musiqa
bo'yicha bo'lgan tanlovlarda qatnashib faxrli o'rinlarni qo'lga kiritganman.
2003-yil Gler nomidagi musiqa maktabini
muvafaqqiyatli bitirib shu yil O'zbekiston Davlat Konservatoriyasini ovoz
rejissorligi fakultetiga 1-kursga qabul qilindim.
2007-yil O'zbekiston Davlat Konservatoriyasini
muvafaqqiyatli tugatdim.
Ijodimni qo'shiqchi bo'lib 2002-yil "Joziba"
guruhida boshladim. Ushbu guruhda 2-yil davomida faoliyatimni davom ettirdim.
2004-yildan to shu bugungacha yakkaxon xonanda sifatida
faoliyatimni davom ettiryapman.
Ilk qo'shig'im "Hayolimda", "Yoshlikdagi
sevgilim", "Sen o'zing", "Eslaysanmu?" qo'shiqlaridir.
Ijodimni "Yondi-Yondi", "Boraman",
"Ona qadri", "Yurtim", "Ajoyib", "Ne
foyda", "So'ra-so'ra" qo'shiqlari bilan davom ettirdim.
2010-yil ilk duet qo'shig'imni Iroda Iraliyeva bilan birga
kuyladim. Qo'shiq nomi "Qarab-qarab". 2011-yilni "Sensiz"
nomli qo'shiqni muxlislarimizga sovg'a bilan boshladim.
Yana xalqimizga, muxlislarimizga yangi-yangi qo'shiqlar
yozish niyatlarim bor.
Oila a'zolarim:
Otam Shamsiyev Axmadjon Maxamadradjabovich 1959-yilda
tug'ilgan. "Besh yog'och" dehqon bozorida rais muovini vazifasida
xazmat qiladi.
Onam Shamsiyeva Arofat Xalimovna 1959-yilda tug'ilgan. 19-oilaviy
poliklinikada tibbiyot hodimi vazifasida xizmat qiladi.
Akam Shamsiyev Azizjon Axmadjonovich 1981-yilda tug'ilgan. Sozanda.
Akam Shamsiyev Azimjon Axmadjonovich 1982-yilda tug'ilgan. Chegarachi
qo'shinlarida sozanda vazifasida xizmat qiladi.
Ukam Shamsiyev Umidjon Axmadjonovich 1990-yilda tug'ilgan. Sozanda.
2008-yil 7-mayda Shamsiyeva Madina Rustamovna bilan turmush
qilganmiz. Uy bekasi
Farzandim Shamsiyev Usmonjon Umarjonovich 2010-yil
5-yanvarga tug'ilgan.