Shou biznes olamida qisqa fursat ichida tanilib, qo‘shiqlari xit darajasiga ko‘tarilgan va deyarli barcha yoshlarning sevimli ijodkorlariga aylangan "Ummon" guruhi muxlislari uchun hamisha kutilmagan tuhfalar taqdim etishdan charchashmaydi.
Yaqindagina ketma ket taronalarini premera etgan mazkur guruh yigitlari yana bir yangi qo‘shiq tayyor bo‘lganini ma’lum qilishdi.
Aytib o‘tish joiz, "Ummon" guruhi repertuaridan joy olgan aksariyat qo‘shiqlarning muallifi guruh a’zosi Zohid Risqiev bo‘ladi. Musiqa va matn, xatto aranjirovka borasida o‘z ustida ishlashdan tinmaydigan bu iste’dodli ijodkor bugungi premera qilingan taronaning ham muallifi.
Tinglovchilarga birdek manzur kelgan yangi qo‘shiq uchun videoklip suratga olinadimi yoki yo‘q, bu haqda keyinroq ma’lum qilamiz. "Ummon" guruhiga kuch g‘ayrat va omad tilaymiz.
Hozircha esa Ummon guruhining yangi "Sen Uchun" deb nomlangan taronasini tinglang baho bering.
"Ummon" guruhidan navbatdagi premera 
