Avval xabar berganimizdek, rejissyor Ozod Shams “Vahshiy” deb nomlangan yangi film ustida ish olib bormoqda. Film ijodkorlarini so‘zlariga qaraganda, bu kartina tez kunda katta ekranlarga chiqish arafasida.
Feruza Fattoxova va Saida Vahobova ssenariy muallifligida yaratilayotgan mazkur kino asarda bosh rollarni Asal Shodiyev, Shohida Ismoilova, Mirabror Mirhalilov, Hamid Toshpo‘latov, Sulayman Iskandarov, Aziz Rametov va boshqalar ijro etgan. Kartina prodyuseri Ruslan Mirzaev Asal Shodiyevning bu filmdagi obrazi butunlay o‘zgacha ekanini ma’lum qildi. Shuningdek bu filmda Koreyaning mashhur aktyorlari ham ishtirok etgan.
Film haqida batafsil ma’lumotni yaqin kunlarda film ijodkorlari bilan bo‘lib o‘tishi rejalashtirilgan suhbatdan so‘ng bilib olishingiz mumkin. Demak, bizni kuzatib boring.