"Salom sevgi Hayr sevgi"... mazkur kinokartina ekran yuzini ko'rganiga ko'p vaqt bo'lmasada, filmning reklamasiga u qadar katta urg'u berilmayotgan bo'lsada, filmni tomosha qilishga bo'lgan qiziqish anchayin yuqori va kun sayin oshib bormoqda. Bu albatta kinoijodkorlarning katta yutug'i. Adiz Rajabov hamda Zarina Nizomiddinovalarning juftligi ham kinotomoshabin diqqatini tortayotgan bo'lsa ajab emas. Ammo, gap faqat aktyorlarga bog'liq emasligini, siz ham, biz ham juda yaxshi bilamiz. Har bir filmning asosi baribir dramaturgiya va rejissurada yotadi. Agar aynan mana shu ikki narsaga yaxshi e'tibor qaratilgan bo'lsagina filmning muvaffaqiyatiga ishonish mumkin bo'ladi. "Salom sevgi Hayr sevgi" kartinasida mana shu ikki jihat ham bor. Filmdagi g'ayrioddiy voqe'lik barchani diqqatini tortadi. Biz ko'rib o'rgangan filmlarimizdan, farqli o'laroq, Akbar Bekturdievning navbatdagi kartinasidagi noan'anaviy muhabbat qissasi, mutlaqo kutilmagan yakun bilan barham topadi. Ko'plab muxlislarning talablariga binoan yaqin kunlarda film uchun maxsus taklifnomalar sovrini o'ynaladi. Bu imkoniyatni qo'ldan boy bermang! Bugunchalik esa filmdan navbatdagi fotosuratlarni taqdim etamiz.