Yangi aeroport qurilishi sababli 1400 oila ko`chiriladi
Poytaxtimizda yangi (“Toshkent-4”)yo`lovchi terminali qurilishi munosabati bilan aeroportga yondosh hududni ko`chirishga to`g`ri keldi.
Bu haqda matbuot anjumani davomida “O`zbekiston havo yo`llari” Milliy aviakompaniyasining departament direktori Anton Xodjayan ma`lumot berdi.
Uning so`zlariga ko`ra, 500 ta uyda yashaydigan qariyb 1400 oila ko`chiriladi. Ularni ko`chirish va ularni uy-joy bilan ta`minlash masalalari bilan Toshkent shahar hokimiyati shug`ullanadi. Mazkur ishlar amalga oshirilish muddatlari haqida hech qanday ma`lumotlar berilmayapti.
Aytish joizki, maydoni 86,94 ming kvadrat metrga teng bo`lgan, “Toshkent-2” o`rnini egallaydigan “Toshkent-4” aeroporti har yili 5,7 million yo`lovchiga xizmat ko`rsatish imkoniga ega bo`ladi.
Koreya Respublikasi tomonidan moliyalashtiriladigan mazkur loyihaning dastlabki qiymati 336,4 mln AQSh dollarni tashkil etadi.
Yangi aeroport qurilishi sababli 1400 oila ko`chiriladi 
