Дунё бўйлаб Женнифер Лопезнинг "Dance again» турнеси давом этмоқда. 14-ноябрдаги манзил Истамбул бўлди. Сайтимиз продюсери Сирожиддин Такхиров шоумен Азиз Раупов билан ҳамкорликда эксклюзив репортаж тайёрлади.

Уларнинг айтишича, Туркияда Жей Лога бўлган қизиқиш катталиги сабабли концерт 3 кунга белгиланган бўлиб, барча чипталар концертдан бир неча кунлар олдин сотиб тугатилган. 14-ноябр куни Атакўй Атлетизм Аренасида бўлиб ўтган концерт Лопезни жонли кўриш истагидаги мухлислар учун ҳақиқий байрамга айланган. "Never Gonna Give Up"  қўшиғи билан бошланган концертда америкалик юлдуз турк тилида саломлашган. Эксклюзив декорация, эски ва янги хитлар, юзлаб чироқлар ва бетакрор рақслар шоунинг энг ҳурматга сазавор жихатларидир. Жей Ло ижодидаги илк хитларидан бири "Waiting For To Nght"ни куйлаганида эса унга минглаб томошабинлар жўр бўлди. Концертга хонанданинг фарзандлари Макс ва Эмми ҳамда севгилиси Каспер Смарт ҳам ташриф буюрган.

Денгиз бўйидаги нуфузли меҳмонхона - Hotel Les Ottomansда кумирининг яшаётгани ҳақида эшитган мухлислари уни кўриш истагида холлда ҳам йиғилмоқда. 16-17 ноябр концертлари эса Ulker спорт аренасида бўлиб ўтади.

Олға, Женнифер. Йўлингиз тушса, бир меҳмон бўлиб Ўзбекистонга ҳам келинг. Ҳеч бўлмаса, бир пиёла кўк чойимиз бор...