Yana bir sen kabi jonon,
Borligiga ishonmasman.
So'zingdek so'zlari dono,
Borligiga ishonmasman.
Sochingdan tarqalur anbar
Desam, kamlik qilur dilbar,
Bo'yingdek bo'ylari zebo,
Borligiga ishonmasman.

Jim qolar to'zg'igan shamol,
Agar sen tabassum qilsang,
Seningdek bulbuli go'yo,
Borligiga ishonmasman.

Adoying ko'p, fidoying ko'p,
Shaydoying ko'pdur dunyoda,
Senga mendek biror shaydo,
Borligiga ishonmasman.

Naqarot
Yana bir sen kabi jonon
Borligigiga ishonmasman.
So'zingdek so'zlari dono
Borligiga ishonmasman.