Alloh uchun eng suyukli amal namozdir. Namoz barcha yaxshiliklarning kalitidir. Namoz mo‘mining me’rojidir.

Agar boshinga tashvish tushsa, namoz ila tashvishingni arit.

Agar moliyaviy kasotga uchrasang, namoz ila muammongni yech.

Agar musibatga uchrasang, namoz ila yengib o‘t.

Agar oilangda notinchlik bo‘lsa, namoz ila uni daf qil.

Agar muassasa va tashkilotlar senga ish bermayatgan bo‘lsa, namoz ila ishga erish.

Yaqin kishingdan ayrilib qolsang, namoz ila o‘zinga taskin ber.

Agar qalbing nimadandir siqilayotgan bo‘lsa, namoz ila kenglikka o‘tib ol.

Birov senga zulm qilsa, namoz ila undan haqqingni ol.

Bir narsangni yo‘qotib qo‘ysang, namoz ila uni top.

Qarzdorlik seni qiynayaptimi? Namoz ila qarzlaringdan qutul.

Odamlar senga nisbatan yomon muomalada bo‘layaptimi? Namoz ila ularni qalblarini yumshat.

Farzandlaring gapinga quloq solmayaptimi? Nomoz ila bolalaringni tarbiyala.

Solih jufti halol istayapsanmi? Namoz ila solih jufti halolga erish.

Farzand ko‘rish kechikiyaptimi, namoz ila farzndli bo‘l.

Dunyodagi barcha muammo va tashvishlarni namoz ila yech va olamlar Robbiga haqiqiy banda bo‘l!

Zero, Alloh taolo: «SABR VA NAMOZ ILA YoRDAM SO‘RANGIZ», deb marhamat qilishi bejiz emas.

Odilxon qori Yunusxon o‘g‘li

Toshkent shahar, Shayxontohur

tumani bosh imom xatibi