“Baron - 2”da o'nga yaqin mamlakatning mashhur aktyorlarini ko'ramiz
Kun tartibida ko'rilgan masalalar orasida “Baron - 2” filmi haqida ham so'z bordi. Jumladan mazkur filmga taniqli chet ellik kinoaktyorlarning jalb etilayotgani, kartinani bir qator xorijiy mamlakatlarda tasvirga olish ko'zda tutilayotgani e'tirof etildi. Shuningdek, ijodiy guruhga ssenariydagi ayrim juz'iy kamchiliklar yuzasidan ko'rsatmalar berildi. Rejissyor Rustam Sa'diyev mazkur loyiha ilk “Baron” filmi kabi tomoshabinlar ko'nglidan joy olishiga va xalqaro miqyosda ham nom qozona olishiga umid bildirdi. Ma'lumotlarga ko'ra, mazkur loyiha uchun Buyuk Britaniya, Ispaniya, Rossiya, Turkiya, Ozarboyjon, Suriya, Qozog'ison, Tojikiston kabi davlatlardan taniqli aktyorlar taklif etilishi rejalashtirilmoqda.