Dunyoning barcha birjalarida 2017 yilda bo‘lib o‘tgan savdolarda kriptovalyuta hisoblangan bitkoin barcha rekord ko‘rsatkichlarni urdi.

2014 yildan beri, birinchi marta yangi yil bitkoinning narxi tushib ketishi bilan boshlandi.

Kecha, 1 yanvar kuni uning narxi 13624 AQSh dollarini tashkil qilgan bo‘lsa, hozirgi vaqtda 13548 AQSh dollarini tashkil etmoqda. O‘tgan yili bitkoinning narxi hozirgidan ancha baland edi va o‘shandan uning atrofidagi gap-so‘zlar ko‘payib, narxi ko‘tarila boshlagan edi.

2017 yilning dekabrida bitkoin o‘zining tarixidagi eng baland narxga, ya’ni 20 000 AQSh dollaridan balandga ko‘tarildi. Ammo, keyinchalik ungi narxi pastlab, to‘rt kun ichida 13 078 AQSh dollarigacha tushib ketdi.

Bitkoinning narxi tushib ketishiga ekspertlarning bildirgan fikrlari ham sabab bo‘lmoqda. Chunki, hech bir ekspert bitkoinning to‘lov vositasiga aylanib ketishiga ishonch bildirmayapti.

Obil Safarov