Болливуд ҳаётини ёритиб борувчи журналлардан бири энг шаддод актрисалар рейтингини тузди. Бу рўйхат актрисаларнинг ҳаётда ва кинодаги образларини ҳисобга олган ҳолда тузилган. Марҳамат, улар билан танишинг:
1. Кажол: Актриса "Ҳаётда ҳамма нарса бўлади” фильмидаги Анжели образи орқали ҳақиқий дўст сиймосини яратган. Фильм намойишидан кейин кўпчилик қизлар Анжели каби кийинадиган ва гапирадиган бўлишди. Натижада эса Кажол Болливуднинг энг "чапани” қизига айланди.
2. Женелия Д’Суза: Шаддодлиги экранда ҳам, экран ортида ҳам билиниб турадиган бу соҳибжамол "Jaane Tu Ya Jaane Na” фильмидаги қаҳрамонини ўз феъл-атворидан келиб чиқиб ижро этган.
3. Хема Малини: "Зита ва Гита” фильмидаги эгизаклардан бирининг шаддодлиги ҳамон мухлислар ёдида. Маълумотларга қараганда, фильмнинг ремейкида Катрина Каиф суратга тушади.
4. Прити Зинта: У ҳамкасблари орасида ўз шаддодлиги билан ажралиб туради. Унинг "Kya Kehna” ҳамда "Salaam Namaste” фильмидаги образлари айнан шу характерига мос тушган.
5. Амрита Рао: Амрита ҳаётда унчалик шаддод бўлмаса-да, "Main Hoon Na” фильмидаги образи билан барчани лол қолдирган.
6. Катрина Каиф: Катрина ҳозирги кунда Болливуднинг энг талабгор актрисаларидан биридир. У ўта тортинчоқ ва нозиктаъб бўлишига қарамай, "New York” ҳамда "Mere Brother Ki Dulhan” фильмларида чапани қиз ролини қойиллатиб ижро этган.
Болливуднинг энг шаддод актрисалари рейтинги тузилди 
ajoyib
