Olimlar va shifokorlar bir necha yillik izlanishlar davomida turli xil gazli ichimliklarning xususiyatlarini o‘rganib chiqishdi. Natija quyidagi xulosalarni keltirib chiqardi. Buni birinchi bo‘lib Coca cola ichimligi misolida ko‘rib chiqamiz:

Coca cola shunday ichimlikki, uni qancha ko‘p iste’mol qilsa, organizmga bo‘lgan zararlari shuncha ortib boraveradi. U bora-bora bepushtlikka ham sabab bo‘lishi mumkin;

Bu mahsulotni iste’mol qilishdan avval qopqoqni ochib, ozroq kutish tavsiya etiladi. Bu oz bo‘lsa-da zararni kamaytirishga yordam beradi;

Coca cola’da insonni stressdan olib chiquvchi, kayfiyatni ko‘taruvchi maxsus moddalar borligi tufayli ham iste’mol ro‘yxatida yuqori o‘rinlarni zabt etadi;

Coca cola tarkibida ko‘p miqdorda shakar bo‘lganligi tufayli qandli diabetga qarshi kurashayotgan insonlarga tavsiya qilinmaydi;

Coca cola ichimligini ishlab chiqarishda ishlatiladigan bo‘yoqlar saraton xavfini kuchaytiradi;

Coca cola’ga bo‘lgan talabni kamaytirish qiyin. Biroq buning uddasidan chiqilsa, inson o‘z sog‘ligini juda ko‘p zararlardan asrashga erishishi mumkin.

Manzura Sayfiddinova