Noyabr oyining eng so‘nggi dam olish kuni kutilayotgan ob-havo ma’lumotini e’tiboringizga havola etamiz. Gidrometeorologiya xizmati markazining xabariga ko‘ra, ertaga, 26 noyabr kuni ko‘plab hududlarda yomg‘ir, qor yog‘ishi kutilmoqda.

Toshkent shahrida havo o‘zgarib turadi, yomg‘ir, qor yog‘ishi kutilmoqda. Harorat kunduzi 3-5 daraja, kechasi 7-9 daraja iliq bo‘ladi.

Qoraqalpog‘iston Respublikasi va Xorazm, Buxoro va Navoiy viloyatlarida ham yomg‘ir, qor yog‘adi. Harorat kechasi hamda kunduzi 5 darajagacha iliq bo‘ladi.

Samarqand, Jizzax va Sirdaryo viloyatlarida ham yog‘ingarchilik kuzatiladi. Harorat kunduzi 3-8 daraja, kechasi 5-10 daraja iliq bo‘ladi.

Qashqadaryo va Surxondaryo viloyatlarida esa yomg‘ir yog‘adi. Harorat kunduzi 5-10 daraja, kechasi 2-7 daraja iliq bo‘ladi.

Farg‘ona vodiysida ham yomg‘ir yog‘ish ehtimoli mavjud. Harorat kunduzi 7-12 daraja, kechasi 2-7 daraja iliq bo‘ladi.

Durdona Rasulova