Бу галги ҳазилимиз гўзал ва истеъдодли актрисаларимизга бағишланади. Ўйлаймизки, ушбу карикатуралар сизга ҳам, санъат аҳлига ҳам манзур бўлади.

Асал Шодиева: Дейишдилар "Учар қиз”, Кейин "Ҳай-ҳай қизалоқ”. Қўлимдан келмас ҳаргиз, Қўймоқ йигитга тузоқ.

Дилноза Кубаева: "Андишали келин”дан. "Келгинди...”га айландим. Тутиб "реклом” элиндан, Зўрлардан зўр сайландим.

Зарина Низомиддинова: "Жулетта”  бўлиб келдим, "Қоракўз” деди ҳайҳот. "Салом севги...” дан кейин, "... юлдузман” ва "Паризод”

Шаҳзода Муҳаммедова: Танилдим дея "банан”, "Тундан тонггача” йиғлаб. Машҳурбекнинг юрибман "Дилкаш...”да бағрин тиғлаб.

Ойдин Юсупова: Дея "Кўзларинг маюс”, Кўкка отишди, аммо... Омад келмай юзма-юз, Бўлиб қолдим камнамо. 

Матнлар муаллифи: Наргиза Усанбоева
Карикатуралар муаллифи: Ориф Мирзаев

Manba:darakchi.uz