Bugun qiziqchilik san’atida yangi nomlar,yangi jamoalar paydo bo‘lyapti. Ular orasida “Dizayn” jamoasining o‘z o‘rni bor. Lekin bu jamoaning so‘nggi konsert dasturi keskin tanqidlarga sabab bo‘ldi. “Dizayn”chilar “Bekajon” gazetasi bilan suhbatda mazkur tanqidlarga nisbatan munosabat bildirdi.
“O‘zbek milliy askiya san’atining asosi kosa tagida nimkosa degan naqlga borib taqaladi. Bizning ijodiy chiqishlarimiz ham shunga asoslangan. Tegishli tashkilotlar har kuni, har soatda teefon qilib bo‘lsa-da, ijodimizni, konsert oldi tayyorgarliklarimizni kuzatib borishadi. Ijodkorning yaratgan har bir mahsuli o‘zi uchun zo‘r, ammo inson baribir xato qiladi. Kezi kelganda bizga dakki beradigan yo ko‘kka ko‘taradiganlar bor. Shuning uchun biz bemalol ijod qilyapmiz. Tanqid qilayotganlar nega xolis emas? Yutuqlarimizning bittasini ham tilga olmaydi-da, faqat salbiy tomonimizni yozadi. Ehtimol, kimdir buni ‘buyurtma’ qilgandir? Hozir kuniga 100,150 tacha telefon qo‘ng‘iroqlari bo‘ladi. Ularning 98 foizidan ‘rahmat’ degan olqishni eshitamiz. ‘Farzandlarim takror-takror ko‘ryapti’ deyishadi”, —deydi guruh a’zolari.
“Xonandani xonanda, shoirni shoir, qiziqchini qiziqchi tanqid qilsa bu boshqa gap. Jurnalistlar faqat o‘z fikrini bildirishi mumkin, xolos. ‘Mirza’ teatri, Ortiq Sultonov va Zokir Ochildiev kabi ustoz san’atkorlar tanqid qilsa, uni to‘g‘ri qabul qilamiz. Ular shu sohaning odamlari”.
DIZAYNchilar: “Bu Tanqidlar Kimningdir Buyurtmasi” 
