Ertaga Samsung Galaxy S6 va Galaxy S6 Edge sotuvga chiqariladi
10 aprel kuni Galaxy S6 va Galaxy S6 Edge smartfonlari sotuvga chiqariladi.
Samsung kompaniyasi ushbu yangi mahsulotlarga bo‘lgan talab rekord darajani ko‘rsatishiga ishonmoqda. Yangi modellarning sotuvga chiqarilishi munosabati bilan uyushtirilgan matbuot anjumanida kompaniya mutasaddilaridan Li San-chulning e’tiroficha, mijozlar fikrini o‘rganish jarayonida ularning Galaxy S6 va Galaxy S6 Edge smartfonlariga bo‘lgan qiziqishi nihoyatda yuqoriligi va oldindan buyurtma bergan mijozlar soni har doimgidan ko‘pligi aniqlangan.
Tahlilchilarning hisob-kitoblariga qaraganda, 2015 yilda Samsung 49.8 mln dona Galaxy S6 smartfonlari ishlab chiqaradi; undan oldingi model – Galaxy S5’ning ishlab chiqarilish hajmi 38,3 mln dona miqdorida baholanmoqda; Galaxy S3 modelidan esa bozorga 65 mln dona yetkaziladi.