Toshkentda Samsung Galaxy S6 3,2 mln so‘mdan sotilmoqda
O‘zbekistonda Samsung kompaniyasining yangi flagman smartfoni — Galaxy S6 sotila boshladi, deya xabar bermoqda “Mobinfo.uz”. Yangi qurilma mart oyi boshida Barselonadagi MWC 2015 ko‘rgazmasi doirasida taqdim etilgan edi.
Smartfon 8 yadroli Exynos 7429 protsessori, 5,1 dyuymli va 2560×1440 pikselli Super AMOLED-displey, 16 megapikselli asosiy va 5 megapikselli old kamera, 3 Gb tezkor va 32/64/128 Gb ichki xotira, 2550 mA/s sig‘imli akkumulyatorga ega.
Qurilma Android 5.0 operatsion tizimida ishlaydi.
Poytaxtning “Fleshka” savdo majmuasida Samsung Galaxy S6’ning 32 Gb lik versiyasi 3,2 million so‘mdan sotilmoqda. Taqqoslash uchun, shunday xotira hajmiga ega Galaxy S5’ni 1,7 million so‘mga xarid qilish mumkin.
Samomiy Ishq-soundtreck
Toshkentda Samsung Galaxy S6 3,2 mln so‘mdan sotilmoqda 
