O‘zining sho‘x taronalari bilan muxlislari ardog‘ida bo‘lgan xonanda Firdavs navbatdagi yangi ijod mahsulini keng omma e’tiboriga taqdim etdi. “O‘zbegim taronasi” radiosi orqali premera etilgan yangi qo‘shiq “Kel yorim” deya nomlangan bo‘lib, uning so‘zlarini Nurbek Rasulov yozgan. Musiqa va aranjirovkasi muallifi esa Ahliyor Azimov.
Navbatdagi yangi albom ustida ish olib borayotgan Firdavs tinim bilmay ijodiy izlanishda. Negadir uning muxlislari, yangi qo‘shiq yaratmayapsiz, deya so‘rashar ekan. Bunga javoban xonanda, ko‘proq soniga emas, sifatiga e’tibor berishini izohlab o‘tdi.
Aytib o‘tish lozim, yangi albomdan o‘n ikkita tarona joy olgan bo‘lib, “Sog‘inganimda” deya nomlanadi. Bugun premera etilgan “Kel yorim” kompozisiyasi ham mazkur albomdan joy olgan.
Bu tarona uchun yaqin kunlarda trek yo‘nalishida videoklip suratga olinishi rejalashtirilgan, ammo hali qaysi rejissyor uni suratga olishi tayin etilmagan. Hozircha, yangi qo‘shini tinglab baho bering.
Firdavsning muxlislari uchun navbatdagi tuhfasi 
