Google 2015-yilda eng ko‘p qidirilgan mavzular reytingini e’lon qildi
Google kompaniyasi qidiruv tizimi versiyasiga ko‘ra o‘tayotgan yilda dunyoda sodir bo‘lgan eng muhim voqealar va ko‘p berilgan savollarga bag‘ishlangan “Qidiruvdagi yil” to‘plamini o‘n beshinchi bor taqdim etdi. Bu haqda TJournal xabar berdi.
Yilning eng ko‘p muhokama etilgan yangiliklari ommaviy ofatlar va sport musobaqalari bo‘lgan. Parijdagi teraktlardan so‘ng so‘rovlar soni 897 milliondan oshib ketgan. “Nepalga qanday yordam berish mumkin?” savoli esa Katmanduni deyarli butkul vayron qilgan zilziladan so‘ng eng ko‘p berilgani qayd etilgan (jami Nepal bo‘yicha 85 milliondan oshiq so‘rov bo‘lgan). Kriket bo‘yicha jahon chempionati 320 milliondan ziyod qidirilgan.
Oskar mukofotini topshirish marosimi, hayotdan ko‘z yumgan yulduzlar bilan xayrlashuv, regbi bo‘yicha JCh va ayollar o‘rtasida futbol bo‘yicha JCh, shuningdek, Yelizaveta II eng ko‘p hukm surgan qirolichaga aylangani ahamiyatli mavzular sirasiga kirgan.
Google yilning asosiy trendlarini ham belgilab o‘tdi. Ular qatoridan oq-tilla yoki qora-ko‘k libos rangi haqidagi bahslar (70 milliondan ziyod so‘rov) va “Yulduzlar jangi: Kuchning uyg‘onishi” filmi o‘rin olgan (treyler 155 million martadan ko‘p qidirilgan).
Eslatib o‘tamiz, oldinroq Facebook 2015-yilda eng ko‘p muhokama etilgan mavzular reytingini e’lon qilgan edi.
Tabib-Nadin kal kai (soundtreck koreya)
Google 2015-yilda eng ko‘p qidirilgan mavzular reytingini e’lon qildi 
