"Google” энг осон пароллар ўнталигини нашр этди. Унга
кўра, уй жониворларининг лақабларига қўйилган пароллар энг ёмон ҳимоя воситаси
деб тан олинди.
Иккинчи ва учинчи ўринларда муҳим саналар ва оила аъзоларининг туғилган
кунларидан ташкил топган пароллар қайд этилган. Рейтингдаги тўртинчи ва бешинчи
ўринларни эса фарзандларнинг ва оиланинг бошқа аъзолари исмлари эгаллаган.
Шунингдек, муваффақиятсиз пароллар "хит-парадига" туғилган жой,
севимли байрамларнинг номлари, севимли спорт жамоаси билан боғлиқ сўзлар ва
бошқа муҳим номлар ҳам киритилган.
Энг осон пароллар ўнталигига "пароль” сўзининг ўзи якун
ясайди. Агар сиз шундай паролларнинг биридан фойдаланаётган бўлсангиз, уни
алмаштиришни тавсия қиламиз. "Google”нинг фикрича, бундай маълумотни билиб олиш
ва аккаунтингизни бузиб кириш жуда осон.
“Google” энг осон пароллар рўйҳатини эълон қилди 
