Green Card lotoreyasida ishtirok etish uchun ro‘yxatdan o‘tish sanasi o‘zgartirildi
AQSh Davlat Departamenti 2019 yil “Turli millat vakillari uchun immigrasion vizalar — DV” (Green card) dasturiga ro‘yxatga olish 3 oktyabrdan boshlangani haqida xabar bergan edik. Biroq Green card lotoreyasida ishtirok etish uchun arizalar qabul qilish kechiktirildi. Bunga esa texnik muammo sabab bo‘lganligi aytilmoqda.
Ma’lumotlarga ko‘ra, DV–2019 lotoreyasi uchun ro‘yxatdan o‘tish 18 oktyabrdan boshlanadi. Bu jarayon avval ma’lum qilinganidek, 7 noyabrgacha emas, balki 22 noyabrgacha davom etadi.
3 oktyabrdan 18 oktyabrgacha topshirilgan anketalar esa haqiqiy emas, deb topiladi va ular qaytadan ro‘yxatdan o‘tishlariga to‘g‘ri keladi.
Pew tadqiqot markazi ma’lumotlariga ko‘ra 2015 yilda 14,4 million kishi DV–2019 lotoreyasida ishtirok etish uchun ariza topshirgan. Ularning 12 foizini Gana fuqarolari tashkil etadi.
Bu borada O‘zbekiston fuqarolari ham faol hisoblanadi. Ro‘yxatdan o‘tganlarning 10 foizi, ya’ni 1,4 millionga yaqin nomzodlar O‘zbekiston fuqarolaridir. Keyingi o‘rinni Ukraina band etgan.