Аввал хабар берганимиздек, Ўзбекистон Республикаси
Президенти Истиқлолимизнинг 22 йиллиги муносабати билан бир гуруҳ
юртдошларимизни мукофотлади.
Мукофотланганлар орасида "Ўзбекнаво" эстрада бирлашмаси хонандаси
Гулсанам Мамазоитова, Республика ёш томошабинлар театри актрисаси Дилбар
Абдулазизова ва Муқимий номидаги ўзбек давлат мусиқали театри актёри Одинахон
Нарзуллаева "Ўзбекистон Республикаси халқ артисти” унвони билан тақдирландилар.
Шунингдек актриса Муяссар Бердиқулова, хонандалар Тўлқинбой
Жабборов, Азизахон Каримова, Муҳсимжон ва Яҳё Мўминовлар, Айгуль Надирова,
Бозор Рамазонов ва Абдурашид Йўлдошевлар "Ўзбекистон Республикасида хизмат
кўрсатган артист" унвонига сазовор бўлдилар.
Шунингдек бошқа соҳа эгалари ҳам юксак мукофотлар билан тақдирландилар.