Gurbanguli Berdimuhamedov Turkmaniston prezidenti etib qayta saylandi
Turkmanistonning amaldagi rahbari Gurbanguli Berdimuhamedov 97,69% ovoz bilan respublikaga uchinchi muddatga Prezident etib saylandi, deya xabar berdi mamlakat MSK raisi.
12 fevral kuni bo`lib o`tgan Prezident saylovida ro`yxatga olinganlarning 97,27% foizi qatnashdi.
Berdimuhamedovdan tashqari mazkur lavozim uchun 8 kishi kurash olib bordi.
Turkmaniston Demokratik partiyasi tomonidan nomzodi ilgari surilgan Gurbanguli Melikgulievich Berdimuhammedov umumiy ovozberuvchilarning 3 067 924 ovozini yig`di.
Qonun bo`yicha Turkmaniston MSK etti kundan kech bo`lmagan muddatda saylov xulosalarini taqdim etishi lozim.
Berdimuhammedov 59 yoshda. Uning tibbiyot fanlari doktori, iqtisodiyot fanlari doktori ilmiy unvonlari mavjud. U Turkmaniston fanlar akademiyasining akademigi sanaladi. U rus va nemis tillarini biladi. Oilali, bir o`g`il va ikki qizning otasi.
Gurbanguli Berdimuhamedov Turkmaniston prezidenti etib qayta saylandi 
