San’at olamida o‘ziga xos yo‘nalishi va o‘z o‘rniga ega bo‘lgan xonanda Iroda Dilroz muxlislar uchun kutilmagan ijod mahsuli ustida ish boshlayotgani haqida xabar bergan edik. Ma’lumki bu tuhfa xalqimizning sevimli qo‘shig‘iga aylangan, qadimdan kuylanib kelingan “Salom salom” taronasining yangicha talqinidir. Unga Jamshid Gaffarov tomonidan qadimiy an’analarimiz va zamonaviylikni uyg‘unlashtirgan holda musiqiy sayqal berilgan.
Iroda Dilroz: - O‘zbek xalqining eng ommabop udumlaridan biri bu kelin salomdir. Bundan kelib chiqqan holda mazkur musiqiy asarga mos videoklip ham suratga olindik. Narimon Sultonxo‘jaev rejissyorligida tasvirga olingan klipda xonanda Manzura kelin obrazida namoyon bo‘lgan. Uning salom solishiga birgalikda videoklipni tomosha qilib baho berishingiz mumkin. Bundan tashqari, Muhammadiso Abdulhayirov, Zuhra Soliyev, Husan Jo‘raev, Shoira G‘iyosova va boshqalarning ijrosini ko‘rishingiz mumkin.”
Ommaga taqdim etilmasidanoq barchani birdek qiziqtira olgan video asarni hoziroq tomosha qiling va fikr-mulohazalaringizni bildiring.
Iroda Dilroz Manzuraning kelin salomida 
